เนื้อเพลง เอิ้นฮักสาวฝั่งโขง โดย เพลง พิมพ์ลดา แสงทองฟินแลนด์

ที่ริมฝั่งโขงเคยให้คำมั่นสัญญา
เกือบปีแล้วบ่มาหา ให้อ้ายคอยถ่าหน้าธาตุพนม
งานวัดปีกลายอ้ายยังจำได้ สองเฮาสุขสม
เคยบอกว่าอักบ่หม้ายล้ม งานพระธาตุพนมปีนี้ยังคอย

อ้ายบ่าวนคร ฮำฮอนสาวริมฝั่งโขง
สัญญากันมั่นคง ด้วยใจซื่อตรงสิหวนคืนมา
อย่าถิ่มอ้ายเด้อ แม่น้ำโขงยังเต็มธารา
ให้เจ้ากลับเจ้ากลับคืนมา คืนมาหาอ้ายบ่าวนคร

อ้ายเอยจ๋าอ้าย น้องบ่เคยลืมคำสัญญา
ฮอดงานธาตุปีระกา สิกลับคืนมาหาอ้ายอีกหน
คิดฮอดอ้ายเด้อ ยังจำได้พ่อหนุ่มหน้ามน
งานธาตุปีนั้นมีเฮาสองคน บอกว่าฮักบ่มีเสื่อมคลาย

แป้นแว่นลูกสาวไผมางามแท้เด้ (งามแท้เด้)
บ่าวนครผู้เท่ อยากสายสัมพันธ์เกี่ยวดองฮักแท้
อ้ายนินา บ่มีสาววเป็นคู่หมายปอง
อยากสิชวนนางน้อง จับมือปรองดอง เป็นคู่คองฮักแท้

อ้ายบ่าวเอย เอิ้นอ้ายพี่ชายเอย เอิงเอย (อะละวา)
สองเฮาได้พบกัน หากอ้ายอยากสานสัมพันธ์
เกี่ยวดิงปองมั่น ล่ะอีน้องดีใจ

สาวลาวคนงามอ้ายเอิ้นตามฝากสายลมไป
คิดฮอดเจ้าสุดใจ โอ้ทรามวัยน้องไม่ส่งข่าว
สาธุสาธุ อย่ามีคู่ซ้อนคู้ส้มล้มต่าว
พระแม่คงคา บอกให้ฮู้ข่าว บอกผู้สาวว่าอ้ายยังรอ

น้องยังจำได้บุญออกพรรษาสองเฮาเคียงคู่
สายน้ำโขงสุดตาสุดหูู แสงสีเลิศหรูเบิ่งไหลเรือไฟ
ไหว้ปู่นาคา ข้างริมฝั่งโขงน้องจำขึ้นใจ
ถนนคนเดินที่ริมฝั่งไทย อ้ายยังพาไป กินข้าวปุ่นซาว

ยืนคองถ่าตามคำสัญญา ยืนถ่าหม่องเก่า
ยืนคองถ่าตามคำสัญญา ยืนถ่าหม่องเก่า
คิดเห็นคำเว่านางบอกสิมา ว่าปีหน้าสิคืนต่าวมาหา
ตามคำสัญญาที่เคยว่าไว้ ฝากสายลมไปบอกให้เจ้าฮู้
ว่ามีคู่ซ้อนครองถ่าเด้อนาง

พระธาตุพนมออกพรรษานัดกันปีกลาย
สองเฮามั่นหมาย แม่โขงดนใจให้มาเจอกัน
ไทยลาวฝั่งโขง ผูกหัวใจเชื่อมสายสัมพันธ์
หากว่ามีสายแนนต่อกัน ให้ฮักเฮามั่นยั่งยืนแหน่เด้อ